Le poesie del maestro Evaristo
MI L’HAJA AFFRANCATE
di Evaristo Sparvieri
Ann’arrete, Vitale lu Pilate,
(arinnumate pi certe “rumure”),
zi ni va a la vigne di lu frate,
addo’ tine’ da fa’ certe lavure.
Attacche la mule a nu purazze,
( a lafriscure di ‘na fratt’antiche,
e nghi lu zappone e la sdirrazze,
scippave paje, falasche e ardiche.
Ogni tante, però,dave sfoche
a chi lu vizie che tineve arradicate:
tirave certe “lecine” o “pricoche”,
ch’arintunave tutte la cuntrade.
La mule,’n zi sintive chiù sicure:
zi firmave di magna’ ogni tante,
o p’accertamente o pi paure,
smuve’ li recchie arrete e avante.
Forse pinzave:” Ci sarà ca’ feste
a lu Cupelle o a lu Casale,
che stanne a spara’? Oppure queste
è l’arrive di qualche timpurale?”
Come lu patrone z’avvicinave,
e lu spare divintave chiù forte,
la povera bestie, forse, pinzave:
“A ecche zi st’avvicina’ la morte”.
E quanda vicine j ave’ ‘rrivate,
scrocche “une” di quelle micidiale:
“ Frate di Criste, queste m’ha sparate,
Che j so’ fatte j’ a Zi Vitale”.
Spavente, zompe, stocche la capezze,
parte gne nu vente , e a lu purate
dice: ( quasi quasi nghi cuntuntezze )
“Meni male, mi l’haja affrancate”.
Evaristo Sparvieri
San Salvo, 1 agosto 1980
