Le poesie del maestro Evaristo
DISTINE SCILLIRATE
di Evaristo Sparvieri
T’hai lassate da quasi trent’anne,
paese me’, care a stu core;
e nghi pene, tristezz’e affanne,
mi ni so’ jute a circa’ lavore.
T’hai lassate ‘na matine preste,
mentre, sott’a lu ragge di la lune,
tu durmive; j’ caminave leste,
e senza farmi vide’ da nisciune.
Partive nghi nu gricele a lu core,
mi pare’ di farte nu tradimente,
a lassa’ te’, paese di l’Amore,
pe’ j a fini’ mmezz’a altra ggente.
Quasi quasi, vule’ arvudda’ lu pete,
p’arintra’ a la case di Mamme e Tate,
addo’ ci stavene, scì, fame e sete,
ma ere ‘na famije affiziunate.
Stu pinzire mi dave nu turmente,
ma la spiranze di j’ a ffa’ quatrine,
e d’arminì ricch’e arcicuntente,
m’ha date nu curagge da Caine.
So’ fatijate sott’a la miniere,
pi li firruvije e li campagne,
mmezz’a la provele di ‘na ferriere,
sott’a la timpeste e a la sulagne.
Quante ni so’ fatte di sacrifice!!!
Quanta so’ sufferte pinzanne a te!!!
E mo che so’ turnate ‘n tenghe amice,
picchè si so’ scurdate tutte di me.
Scì : mi li so’ fatte ‘na casarelle:
a la saccocce ci tenghe ca’ lire;
ma mo mi sente chiù puvurelle
picchè a ecche, mi sente furastire.
Se j’ putesse arturna’ arrete,
e riacquista’ la passata giuvuntu’,
ti li giure, e tu m’ha da crete,
ca j’ all’estere nun ci jasse cchiù.
Evaristo Sparvieri
